Коля Акана аҕыс кылаастаах оскуолатыгар маҥнайгы кылааска 1981 сыллаахха үөрэнэ киирбитэ.
Кыра эрдэҕиттэн үөрэҕэр дьоҕурдааҕа биллибитэ.
Колята суох Акана оскуолатыгар биир даҕаны тэрээһин ааспат этэ. Коля, үөрэҕи уонна спорду өрө тутан, оскуола биир киэн туттар үөрэнээччитин үрдүк аатын сүкпүтэ. Үөрэх эрэ өттүгэр буолбакка, спорт өттүгэр эмиэ уһулуччу дьоҕурдааҕа. Талааннаах буолан, араас хабааннаах олимпиадаларга кыайыылаах буолара. Ордук математика өттүн ордорон, суот өттүгэр билиитин хаҥатан эбии дьарыктанара. Спортсмен бэрдэ, хайыһар, сүүрүү, тустуу күрэхтэһиилэрин чемпиона. Кыра эрдэҕиттэн айылҕалыын алтыһан, бултка сыстыбыта.
Сайын аайы «Кэскил», «Чолбон» үлэ уонна сынньалаҥ лааҕырдарыгар комиссар быһыытынан талыллан үлэни салайара.
Киһи быһыытынан сүрдээх аһаҕас, кэпсэтинньэҥ, уйан дууһалаах, үөрэххэ уһулуччу дьоҕурдаах, эрэллээх доҕор этэ. Олоххо активнай позициялааҕа, ханнык баҕарар тэрээһиҥҥэ өрүү инники уонна көхтөөх буолара.
Бииргэ улааппыт доҕотторо