Уопсай мунньах быһаарыытынан элбэх оҕолоох күн күбэй ийэ Мария Владимировна Соловьева анаммыта. Киниэхэ солбуйааччынан элбэх оҕолоох ийэлэр Анна Слепцова, Анна Семенова, Парасковья Кузьмина талыллыбыттара.
Түмсүү бэйэтин үлэтин сүрдээх сэргэхтик саҕалаата. Улууска эдэр ийэлэр араас кыһалҕаларын быһаарыыга үлэлэһиини саҕалаан ийэлэр интэриэстэрин балачча тардан эрэр. 16.01.2016 сыл бастакы тэрээһинин эдэр ийэлэр улуус ытык кырдьаҕастарын кытары тоҕус уонча киһи саҥа дьыллааҕы елка тула түмүстүлэр.
Түмсүүүөрүүлээх киэһэтин алгысчыт Филип Алексеевич Соловьев аста. Онтон Нам оройуонуттан Саха Республикатын Судаарыстыбаннай мунньаҕын депутата А. Р. Винокурова түмсүүүөрүүлээх киэһэтинэн мустубут дьону эҕэрдэлээн тыл эттэ уонна бэйэтин махтал суруктарын түмсүү активискаларыгар туттартаата.
Түмсүү салайааччыта М.В.Соловьева тылы СР СМ норуодунай депутатыгар Ил Түмэн вице спикерыгар В.Н.Губаревка биэрэр. В.Н.Губарев улуус ытык кырдьаҕастарыгар, ийэлэр түмсүүлэригэр эҕэрдэ тылын этэн баран бэйэтин махтал суруктарын, эҕэрдэтин түмсүү биэс активиска ийэлэригэр туттарда. Ону таһынан бу үөрүүлээх киэһэҕэ кэлбит кырдьаҕастарга итинник ис хоһоонноох Махтал суругун туттарбыта.
Салгыы СР СМ норуодунай депутаттара: М.С.Филиппова, Ж.Э.Егорова бэйэлэрин эҕэрдэлэрин түмсүү чилиэттэригэр эттилэр уонна Российскай Федерация Судаарстыбыннай Дууматын норуодунай депутата Федот Семенович Тумууһап аатыттан махтал суруктарын түмсүү активисткаларыгар, кэлбит ыалдьыттарга барыларыгар туттардылар.
Бу киэһэ улуус баһылыгын бастакы солбуйааччы И.И.Сивцева бэйэтин эҕэрдэтин эттэ уонна түмсүүүлэтин ситиһиилээхтик саҕалаабытыттан астынарын биллэрдэ. Итинник эҕэрдэ тыллаах Нам селотун баһылыга А.Г.Новгородов ыалдьыттааһыннара улуус ийэлэрин уонна ытык кырдьаҕастарын астыннардылар. Ону таһынан бэйэтин эҕэрдэтин ытык кырдьаҕастарга, ийэлэргэ Нам улууһун Комуниистарын салайааччыта В.С.Алексеев эҕэрдэ тылын эттэ.
Нам эдэр ийэлэрин баставкы үөрүүлээх киэһэлэригэр 2007 сыллааҕы СР-гар кырассаабыссалар конкурстарыгар мисс Виолетта Куличкинаҕа истиҥ иһирэх ырыатыгар, чахчы да тарбаҕар талааннаах күн күбэй ийэ бэртээхэй торт оҥорон ыалдьыттары сөхтөрбүт Вероника Верховцеваҕа уонна да атын тэрээһин үлэлэргэ кыттыбыт ийэлэргэ түмсүү салалтата махтанна.
Түмсүүүлэтин биһирээн Нам ытык кырдьаҕастара В.Р. Кутуков, Ф.Ф.Сидорова, Н.Н.Петров уо.д.а. кэлбит ыалдьыттар уонна олохтоохтор бэйэлэрин инники өттүгэр үтүө баҕа санааларын эттилэр. Үөрүү көр-нар, муусука өргө диэри дуораһыйда. Кэлэн кыттыбыт дьон үөрэн-көтөн тарҕастылар.
Бырааһынньыгы тэрийэн ыыппыт эдэр ийэлэргэ үрдүкү дуоһунастаах ыалдьыттар СР СМ норуодунай депутаттара тэрээһин үлэтинүрдүктүк сыаналаан махтаннылар.
